22.10.2017

Limaj: Mitrovica është lodhur nga premtimet e rrejshme, është koha për Nismën

27 Shtator 2017

Partia, Nisma për Kosovën sot hapi zyrtarisht fushatën në qytetin e Mitrovicës me kandidat Qazim Shalën. Kryetari i Nismas, Fatmir Limaj u drejtua para qytetarëve dhe tha se në Mitrovicë ka shumë probleme, por kur në një qytet ka probleme mundësitë janë më të mëdha për të bërë zgjidhje.

“Drejtuesit që e kanë drejtuar këtë qytet nuk e kanë pa se aty ku ka shumë probleme ka shumë mundësi që të zgjidhen problemet. Dhe për këtë arsye Mitrovicës i ofrojmë një kandidat me përvojë që është rritur në këtë qytet dhe është ballafaquar me problemet e qytetit”- tha Limaj, raporton Express.

Tutje ai tha se Mitovica është lodhur nga premtimet e rrejshme dhe se tani është koha për partinë Nisma.  Ai ka ftuar qytetarët që ta votojnë kandidatin e partisë Nisma.

Shala, ka prezantuar programin e tij qeverisës prej 50 pikave, ndër të cilat ka potencuar zhvillimin ekonomik, arsimin, shëndetësinë, zhvillimin e sektorit për kulturë, rini, sport.