17.12.2017

Abrashi prezanton programin për sport, premton mbështetje të përhershme

24 Shtator 2017

Kandidati për kryetar të Prishtinës nga LDK-ja Arban Abrashi, ka premtuar mbështejt të përhershme për sportistët e Prishtinës në mandatin e ardhshëm si kryetar.

Ai ka paraqitur sot programin për sport në një sall të sporteve në Prishtinë.

“Për ne që sportin e praktikojmë të dielave, si Kryetar i Prishtinës do të implementoj  për krijimin e hapësirave të reja sportive, kurse për ata që sportin e kanë angazhim të përditshëm iu premtoj që bashkëpunimin me Komunën do ta kenë të përhershëm”, ka thënë Abrashi.

Ai ka theksuar se në katër vitet e ardhshme do të kthejë Pallatin e Rinis nën menaxhimin e Komunës së Prishtinës.

“Në 4 vitet e ardhshme: Kthimi i Pallatit të Rinisë nën menaxhimin e Komunës, Investime në sportin profesional, shkollor dhe rekreativ (bari sintetik, kënde sportive në çdo lagje etj), Stadiumi sipas standardeve, Funksionalizimi i ligave shkollore, Mirëmbajtja e fushave ekzistuese rekreative, e shumë tjera”, ka thënë ai./Lajmi.net/