16.10.2019

Zvicra mposht Islandën, asistim fantastik nga Xhaka

15 Tetor 2018

Me rezultat 2-1, Zvicra e ka mposhtur Islandën para tifozëve në Reikjavik, në ndeshjen e vlefshme për Grupin 2 të Ligës A, në kuadër të Ligës së Kombeve.

Në takimin, ku nga minuta e parë startuan Granit Xhaka dhe Xherdan Shaqiri, në pjesën e parë nuk pati gola.

Rezultati u zhbllokua në minutën e 52-të, kur pas një harkimi të bukur të Granit Xhakës në zonë, Haris Seferovic shënoi me kokë.

Michael Lang e shënoi golin e dytë (67′), pasi u gjend më së miri në zonë pas një topi të kthyer.

Michael Lang e shënoi golin e dytë (67′), pasi u gjend më së miri në zonë pas një topi të kthyer.

Edhe se dukej që Helvetikët do ta mbyllni ndeshjen pa presion, kështu nuk ndodhi pasi Alfred Finnbogason shënoi një gol të bukur (81′).

Në minutat e mbetura, islandezët krijuan shumë raste shënimi, mirëpo zviceranët arritën të mbaheshin deri në fishkëllimën e fundit të gjyqtarit.

Kjo ishte fitorja e dytë e Zvicrës në Grupin 2 të Ligës A në Ligën e Kombeve dhe numëron gjashtë pikë, aq sa ka edhe lideri Belgjika (me një ndeshje më pak të zhvilluar). Për Islandën kjo ishte humbja e tretë nga po aq ndeshje të zhvilluara.

Në xhiron e ardhshme Zvicra luan në shtëpi kundër Belgjikës, kurse Islanda është mysafir i belgëve./telegrafi/