28.07.2017

Majk sjell projektin e ri “Katile” (Video)

18 Maj 2017

Ashtu siç kishte paralajmëruar javë më parë në një intervistë për Telegrafin, reperi i njohur Majk solli këngën e tij më të re “Katile”.

Një këngë e lehtë me ritme verore ishte e duhura për ta sjell reperin të freskët me projektin e tij të parë për sezonin veror 2017.

“Tekstin dhe muzikën i kam punuar vet, gjersa instrumentalin e kanë punuar Butrint Buçinca & Duja. Klipi është punuar nga Entermedia. Xhirimet janë kryer në Shqipëri”, ka thënë Majk për Telegrafin.

Edhe këtë herë, reperi i njohur nuk zhgënjeu me paraqitjen e tij në klip, duke u shfaqur si gjithmonë trendy dhe me stil.

Kjo nuk do të jetë kënga e vetme e Majkit për këtë sezonë, pasi në muajt e nxehtë ai pritet të vijë edhe me dy projekte të tjera.