20.11.2018

Peshkatari nga Suhareka kap një peshk 10 kilogramësh

8 Nëntor 2018

Peshkimi është njëri nga veprimtaritë që njerëzit e bëjnë me shumë dëshirë.

Në Kosovë ka shumë njerëz që merren me peshkim dhe gjithashtu ekzistojnë edhe klube apo grupe të peshkimit. Shpesh kemi parë edhe gara të shumta që zhvillohen nëpër qytete të ndryshme tek ne.

Mirëpo duket se një peshkatar nga Suhareka, ia ka kaluar të gjithëve me peshkun që ai e ka kapur.

I riu suharekas Albert Mamaj ka kapur një peshk të llojit krap, i cili sipas tij peshonte 10 kilogramë. Peshku është kapur në ujërat e Drinit të Bardhë, mirëpo pas fotografisë peshku është lëshuar përsëri në ujë.