19.06.2018

Takimet e Haradinajt me nipin e Enver Sekiraçës – i arrestuar për vrasje në tentativë

13 Qershor 2018

Të paktën dy herë kryeministri Haradinaj, ka pritur në zyrën e tij Fatlum Abazin, nipin e Enver Sekiraçës. Abazi, është shpallur në kërkim nga Policia e Kosovës si i dyshuar për plagosjen e dy personave të martën në Prishtinë. Policia ka arrestuar ndërkohë, vëllanë e Enver Sekiraçës, Naserin.

Policia e Kosovës ka arrestuar vëllanë dhe nipin e Enver Sekiraçës. Fatlum Abazi dhe Naser Sekiraça, dyshonen për plagosjen e dy personave të martën në Prishtinë.

I dyshuari , Fatlum Sekiraça është njeri prej njerëzve të dyshuar si pjesë e grupit të Enver Sekiraçës. Ndërkohë, ai është shfaqur i afërm me kryeministrin e vendit, Ramush Haradinaj.

Insajderi ka siguruar fotografi të Fatlum Abazit, me kryeministrin e vendit. Fotografitë dëshmojnë se Haradinaj, e ka pritur në zyrën e tij në AAK.

Haradinaj, ka pasur takime tjera me Abazin i shoqëruar nga Dalip Brahimi, kryetar i AAK-së në Vranjevc. Brahimi është i akuzuar në një rast për pastrim parash me toka në Çagllavicë, përfshirë Mehmet Prishtinën, shoferin e Azem Sylës, Arton Vilën dhe biznesmenë të lidhur me PDK-në, siç është Bejtush Zhugolli. Mes të akuzuarve është edhe djali i ish-kryetarit të Vushtrrisë, Bajram Mulaku, Albioni.

Njerëz të lidhur me pushtetin – të akuzuar për pastrim parash

Policia e Kosovës ka bërë të ditur me anë të një komunikatë se të martën rreth orës 17:00, Policia ka marrë informacionin për të shtëna me armë zjarri, në rrugën “Ibrahim Lutfiu” në Prishtinë.

Policia ka bërë të ditur inicialet e të dyshove për vrasje të rëndë në tentativë. Gazeta Express raporton se njëri nga të arrestuarit është vëllai i Enver Sekiraqës, Naser Sekiraqa, derisa nipi i tij, Fatlum Abazi është në arrati.

Policia ka njoftuar se më të dalë vendin e ngjarjes ka zbuluar se rasti ka të bëjë me një vrasje të rëndë në tentativë, ku nga arma e zjarrit kanë pësuar lëndime dy persona: Z.J, mashkull , 30 vjeç, shtetas i Republikës së Kosovës dhe N.U, mashkull , 44 vjeç, shtetas i Republikës së Kosovës, të cilët janë  dërguar në QKUK për trajtim mjekësor.

“Si rezultat i kësaj, rreth orës 23:00,  policia ka arritur të identifikojë dhe të arrestojë dy persona të dyshuar”, ka thënë Policia./Insajderi.com/