17.02.2019

Shpend Ahmeti dorëzon kallëzimin penal ndaj ish partisë së tij, VV-së

12 Shkurt 2019

Kryetari i komunës së Prishtinës, Shpend Ahmeti, ka dorëzuar kallëzimin penal ndaj Vetëvendosjes për shpifje lidhur me akuzat për tenderin me qumësht.

“Siç e kam paralajmëruar, sot kam ushtruar padi ndaj VV-së për shpifje të vazhdueshme, posaçërisht për qumështin. Këtë padi e kam ushtruar për shkak se u shpallën edhe vetë gjykatës edhe pse ishin tërë kohën pjesë e furnizimit me qumësht. Por për ta më s’është e rëndësishme e vërteta e as paraja publike që po i potencojnë, por sulmet e vazhdueshme kundër neve duke shpifur duke mos pasur asnjë konsideratë për të vërtetën”, ka thënë ai me këtë rast.