23.10.2017

Rrahje në Fakultet të Arteve, Alban Nimani: Më sulmoi Mehmet Behluli, prej sot largohem nga UP-ja

12 Tetor 2017

Artisti i njohur Alban Nimani sot është sulmuar fizikisht nga prof. asoc. Mehmet Behluli. Sulmi ka ndodhur sot në zyrën e prodekanit të Fakultetit të Arteve në Prishtinë, transmeton Gazeta Express.

Lajmin për këtë sulm e ka bëtë të ditur Nimani përmes një reagimi që ka bërë në llogarinë e tij në Facebook, duke u shprehur i zhgënjyer dhe duke thënë se ky është niveli më i ulët.

Te dashur miq,

Dua te ju informoj se sot, ne zyren e prodekanit te Fakultetit te Arteve, jam sulmuar fizikisht nga nje profesor me marredhenie te rregullt pune qe quhet prof. asoc. Mehmet Behluli. Fale zotit qe jam megjithate person gjakftohte.

Ky eshte niveli me i ulet ne te cilin mund te bie nje institucion publik i edukimit, e aq me teper nje Fakultet i Arteve.

Ky institucion ka rene nen cdo nivel etik, prandaj kjo leter eshte doreheqja ime e parevokueshme nga Universiteti i Prishtines – Fakulteti i Arteve.

Mendoj se Universiteti publik i Prishtines “Hasan Prishtina” eshte pjese shume e rendesishme e ekosistemit shteteror te Kosoves dhe me dhimbje te madhe mendoj se kete ekosistem e kemi c'kerdhy, prandaj shpresoj se profesoret do t’i harrojne interesat personale dhe te mendojne dhe punojne per femijet dhe te ardhmen e ketij vendi.

Me respekt,
Alban Nimani