22.11.2017

PZAP: Shkaku i ankesave të shumta po rinumërohen 440 kuti votimi

14 Nëntor 2017

Kryesuesi i Sekretariatit të Panelit Zgjedhor për Ankesa dhe Parashtresa (PZAP), Mul Desku, ka theksuar se rinumërimi i 440 kutive të votimit, po ndodhë për arsye të ankesave të shumta që i ka pranuar ky institucion.

Ai ka thënë për Telegrafin se ankesat dhe lëshimet teknike vijnë më së shumti nga kandidatët për asamblistë që kanë qenë brenda të së njëjtës parti politike.

“Ende nuk kemi nxjerrë statistika, por ankesat janë nga të gjitha komunat e Kosovës”, ka shtuar Desku.

Ndryshe,  sot në mbledhjen e Komisionit Qendror të Kosovës (KQZ),  është treguar se pas vendimit të PZAP-it do të rinumërohen 440 kuti votimi.

Kryetarja e KQZ-së ka theksuar se dje kanë pranuar vendime të PZAP-it, me ankesa të kandidatëve.

“Si pasojë e këtyre vendimeve sot duhet t’i rinumërojmë 440 kuti, ku PZAP-i ka gjetur se ka arsye të pranimit të ankesave të këtyre kandidatëve”, tha Daka.

Sipas saj, janë 70 kuti që veç janë rinumëruar me vendim të KQZ-së.