20.07.2018

Tragjedi: Një grua shtatzënë nga Kosova humb jetë në Kanionin Matka

8 Korrik 2018

Një tragjedi e rëndë ka pllakosur dje Kanionin e Matkës dhe vizitorët e saj.

Rreth orës 16-të një shqiptare e re nga Kosova i është afruar lumit Treska për t’i larë duart, mirëpo fati i keq ka qêlluar që të rrëshqasë në ujë..

Ujërat e shpejta në Matkë nuk i kanë lënë hapësirë kosovares që të del në brigje, ndërsa situatën e ka rënduar shtatëzania e saj.

Më në fund disa persona kanë arritur ta nxjerrin jashtë lumit kosovaren. Por ka qenë gjithçka vonë, sepse tashmë ajo kishte vdekur, theksojnë tutje dëshmitarët okular për Almakos.

Sipas tyre ndihma e shpejtë është vonuar më shumë se një orë. Identiteti i kosovares së vdekur është i panjohur, edhe përkundër tentimit të thirrjeve tona në MPB për këtë çështje, ata ende nuk na janë përgjigjur.